«Барселона» клуби «Валенсия» ҳимоячиси Жереми Матьё трансфери борасида янги таклиф юборди. Каталонияликлар аввал таклиф қилган 15 миллион еврога Иброҳим Афеллайни ҳам қўшиб беришмоқчи.
Аввалроқ, «Валенсия» футболчи учун «Барселона»дан 20 миллион евро талаб қилганди. Жереми Матьёнинг ўзи каталонияликлар сафига ўтишни истамоқда. У якшанба куни клубнинг машғулотида иштирок этишдан ва ўтказилган назорат ўйинида майдонга тушишдан бош тортди.