"Бавария" клуби президенти Карл-Хайнц Румменигге Бундеслига вакилларини Жаҳон чемпионатидан сўнг чемпионат ўйинларини жуда тез бошлаш орқали Мюнхен клубининг тайёргарлик режасини бузаётганлиги учун танқид қилди.
Хабарингиз бор, янги мавсум Бундеслига ўйинлари Бразилияда ўтган жаҳон чемпионатаи якунланганидан сўнг олти ҳафта ўтиб, яъни 22 августь куни старт олади ва илк турда "Бавария" клуби "Волфсбург"га қарши баҳс олиб боради.
Румменигге унинг клубидан Германия терма жамоасига таклиф этилган 7 нафар футболчи ушбу оралиқда етарлича дам ололмаслиги ва мавсумолди йиғинларда етарлича қатнаша олмаслигидан норози бўлмоқда.
"Уч ҳафта дам олиш учун жуда қисқа муддат, икки ҳафта янги мавсумга тайёргарлик кўриш учун етарли эмас. Бундеслигадагилар мени қўллаб-қувватлашмади. Менежерлар учрашувида мен янги мавсумни 22 августдан эмас, 29 августдан бошлашни таклиф қилдим, бироқ улар мени рад қилишди. Бу фақат "Бавария"нинг муаммоси эмас. Мени ҳаттоки, Жаҳон чемпионатига ўзининг кўплаб футболчиларини юборган бошқа клублар ҳам қўллаб-қувватламади. Мен "Дортмунд Боррусия" клубини назарда тутяпман. Улар ҳам Бразилияга с аккиз ёки тўққиз нафар футболчиларини юборган эдилар" дейди Румменигге Bild нашрига берган интервьюсида.
