“Бунёдкор”нинг Туркиядаги учинчи рақиби Озарбайжоннинг “Сумгаит” клуби бўлади.
“Сумгаит” футбол клуби 2010 йилда ташкил этилган бўлиб, қисқа вақт ичида Озарбайжон чемпионатининг олий лигасига йўлланма олган. Айни пайтда ушбу клуб 2014/2015 йилги мавсумга тайёргарлик олиб бормоқда.
“Бунёдкор” ва “Сумгаит” клублари ўртасидаги ўртоқлик учрашуви бугун “Green Park Kertepe” мажмуаси майдонида Тошкент вақти билан соат 22:00да бошланади.
Эслатиб ўтамиз, "Динамо" (Батуми, Грузия) билан кеча бўлиб ўтган ўртоқлик учрашувида "қалдирғочлар" 0:1 ҳисобда мағлуб бўлган эдилар.
