Молиявий фейр-плэй сабабли "ПСЖ" клуби "Реал" яримҳимоячиси Анхель Ди Марияни сотиб ололмайди.
Аргентина терма жамоаси футболчисини сотиб олиш учун парижликларнинг қурби етади, аммо молиявий фейр-плэй қоидалари сабабли бундай қила олмайдилар.
Парижликлар "Челси" ҳимоячиси Давид Луиз учун 50 миллион евро тўлаб қўйдилар. УЕФА санкциясига кўра, "ПСЖ"нинг бу ёзги трансфер харажатлари 60 миллион евродан ошиб кетмаслиги керак.
Шундай қилиб, "ПСЖ" Ди Марияни сотиб олиш учун асосий футболчиларидан кимнидир сотишига тўғри келади. Аммо клуб раҳбарияти ўз етакчиларидан ҳеч кимни сотмоқчи эмас.
"ПСЖ" Ди Марияни кейинчалик сотиб олиш ҳуқуқи билан ижарага ҳам олиши мумкин, аммо УЕФА клубнинг маош бериш ҳужжатларини чеклаб қўйган.