"Милан" ҳужумчиси Марио Балотелли яна Англия Премьер-лигасига қайтишга яқин турибди. Арсен Венгер уни "Арсенал"га чорламоқда.
Маълумотларга қараганда, "канонирлар" Италия терма жамоаси ҳужумчиси учун 16 миллион евро тўлашади. Балотелли учун курашда "Арсенал" "Ливерпуль"дан устун келди. Мерсисайдликлар ҳам Марио ўз сафларига қўшиб олишни исташганди.
Балотелли ЖЧдан кейин унга нисбатан ёғдирилган танқидлар ёмғиридан кейин Италияни тарк этишга қарор қилди. Якунланган мавсумда ҳужумчи "россонери" сафида 41та ўйинда майдонга тушиб, 18та гол урган.