Айни дамда Тошкентда иккинчи давра ўйинларига тайёргарлик кўраётган “Нефтчи” кун-ора синов-назорат ўйинларини ташкил этиб, бу орқали ўз ўйин услубини шакллантиришга эътибор қаратмоқда.
Жамоамиз навбатдаги ўртоқлик ўйинини 21 июль, душанба куни пойтахтда олий лига вакили “Олмалиқ”қа қарши ўтказди.
Тенг курашлар остида кечган баҳсда жамоамиз кичик ҳисобда мағлуб бўлди. Учрашувда Исмоилов қуйидаги таркибдан фойдаланди.
“Нефтчи” – “Олмалиқ” 2:3.
“Нефтчи”: Ғайрат Ҳасанов, Вячеслав Пономарёв, Жаҳонгир Меҳмонов, Иқбол Бобохонов, Дилёрбек Ирматов, Акмал Холматов, Руслан Мельзиддинов, Жавоҳир Расулов, Умид Қодиров, Андрей Акопянц, Рўзимбой Аҳмедов.
Заҳирадан тушганлар: Абдуллоҳ Олимов, Александру Оника, Шерзод Ҳакимов, Отабек Зокиров, Музаффар Музаффаров, Мурод Бобожонов.
Учрашувда "Нефтчи"нинг голларига Рўзимбой Аҳмедов билан Акмал Холматов муаллифлик қилди.
Мазкур ўйинда асосий футболчиларимиздан бири Жаҳонгир Меҳмонов жароҳат олди. Бу эса мураббийлар олдида муаммо келтириб чиқариши аниқ. Умид қиламизки, ҳимоячимиз тез орада яна сафга қайтади ва жамоага ёрдам беришни бошлайди.
Таркибда ҳозирча жиддий ўзгаришлар йўқ. Маълум муддат жамоада бўлган Камрон Кападзе “Нефтчи” лагерини тарк этди.
Эслатиб ўтамиз, фарғоналикларнинг пойтахтдаги йиғини 27 июльга қадар давом этади. Шундан сўнг жамоа ўз қароргоҳига қайтади.
