Якунланган мавсум сўнгида Лионель Месси "Барселона" билан шартномани узайтирди. Аммо ундан олдин аргентиналик футболчи Каталонияни тарк этиш ҳақида ўйлаб, жамоадоши Сеск Фабрегасдан "Арсенал"га ўтиш борасида суриштирган. Бу ҳақида Eurosport.ru сайти хабар тарқатди.
"Барселона" ЕЧЛ чорак финалидан чиқиб кетгани ва Испания чемпионлигини қўлдан чиқаргани боис Месси кескин танқид остида қолиб кетганди. Шунга қарамай, ҳужумчи жамоа билан 19 май куни янги шартномага имзо чекди.