Кеча Украина чемпионатида янги мавсумга старт берилди. Мамлакатда нотинч вазият юзага келган бўлсада, кечаги кунга белгиланган барча 1-тур учрашувлари ўтказилди.

Ҳамюртимиз Максим Шацких тўп тепаётган “Говерла” клуби ўз майдонида “Карпати” жамоасини қабул қилиб, 2:2 ҳисобида дуранг ўйнади. Қувонарлиси, Макс ўйиннинг 15-дақиқасида жамоасини ҳисобда олдинга олиб чиқди. Шацких 90 дақиқа майдонда ҳаракат қилди.

Яна бир ҳамюртимиз Санжар Турсунов тўп тепаётган “Ворскла” клуби Киевда “Динамо” жамоаси меҳмони бўлиб, кичик 0:1 ҳисобида имкониятни бой берди. Турсунов Шацких каби ўйинда тўлиқ ҳаракат қилди.

Бу супер Макснинг Украина олий лигасида киритган 122-голи бўлди.Шацких бу голларни “Динамо” (97), “Арсенал” (22) ва “Говерла” (3) клублари сафида киритган. Демак, рекордга яна 2 та гол керак. Украина чемпионатлари тарихида энг сермаҳсул тўпурар бўлиб турган Сергей Ребров ҳисобида 123 та гол мавжуд.

Амалдаги мамлакат чемпиони Донецкнинг “Шахтёр” клуби Запорожьенинг “Металлург” жамоасидан 2:0 ҳисобида устун келди.

УКРАИНА ЧЕМПИОНАТИ. 1-ТУР

ИЛЬИЧЕВЕЦ – ВОЛИНЬ  1:2

ЧЕРНОМОРЕЦ – ОЛИМПИК  4:0

ГОВЕРЛА – КАРПАТИ  2:2 (1:0, 1:2)

27 июль. “Авангард Ужгород”

Голлар: 1:0 – 15 МАКСИМ ШАЦКИХ,  1:1 – 61 Пучковский,  1:2 – 74 Балажиц,  2:2 – 78 Тудосе.

Говерла – Надь, Люлька, де Лима, Акакпо, Хомин, Герасимюк (Райчевич, 52), Тудосе, Степанюк (Панфилов, 90), Трухин, МАКСИМ ШАЦКИХ, Фещук.

ШАХТЁР – МЕТАЛЛУРГ З  2:0

ДИНАМО КИЕВ – ВОРСКЛА  1:0

Гол: 1:0 – 10 Безус.

Ворскла – Непогодов, Пердута, Даллку, Е. Ткачук, А. Ткачук (Баранник, 46), Чеснаков, Дедечко (Маркоски, 85), САНЖАР ТУРСУНОВ, Сапай, Громов, Янузи (Ковпак, 65).

ЗАРЯ – МЕТАЛЛИСТ  1:2

МЕТАЛЛУРГ Д – ДНЕПР  0:2