“Қизилқум” – “Бунёдкор” учрашувидан кейинги матбуот анжуманининг иккинчи қисмида мезбонлар устози қатнашди.
- “Бунёдкор” мамлакатимизнинг етакчи жамоаларидан бири. Жуда қийин бўлган баҳсда охиригача чидай олмадик. Рақибимиз эса биздан фарқли равишда ўйин охирларида ўйинни кучайтирди. Мақсадимиз имкон қадар юқорироқ ўринни эгаллаш шундай экан, ишлашда давом этамиз. Давралар оралиғида таркибда у қадар катта ўзгаришларни амалга оширмадик. Асосийси, жамоа ўзагини сақлаб қолдик. Ҳужумчи Владимир Шишелов масаласига келсак, у энди “Қизилқум”га қайтмайди, - дейди Юрий Павлович.