«Ливерпуль» бош мураббийи Брендан Роджерс «Милан» ҳужумчиси Марио Балотеллининг мерсисайдликлар сафига қўшилиши мумкинлиги ҳақидаги хабарни инокр қилди.
«Мендан Балотелли ҳақида сўрашди ва мен жавоб бердим. У юксак иқтидор эгаси, яхши футболчи. Лекин расман баёнот беришим мумкин, у "Ливерпуль"га келмайди. У ажойиб футболчи, аммо у "Милан"га тегишли. Мен фақатгина у ҳақидаги фикримни баён қилдим. Биз уни харид қилмаймиз», - дейди Роджерс.
Италия ОАВларида тарқатилган маълумотларга кўра, "россонери" ҳужумчин «Ливерпуль»га 20 миллион еврога сотишга тайёр экани, футболчининг агенти Мино Райола мерсисайдликлар билан музокараларни бошлагани ҳақида маълумот тарқатилганди.