Англиянинг “Манчестер Юнайтед “ клуби “Фиорентина” ва Колумбия терма жамоаси ярим ҳимоячиси Хуан Куадрадога расмий таклиф билан чиқишга тайёрлигини билдирди. Маълумотларга кўра, манкунианлар келгуси ҳафтада Куадрадо учун 40 миллион евро ва қўшимча бонуслар назарда тутилган расмий таклиф билан чиқишмоқчи. Таъкидлаш лозим, “Фиорентина” футболчини ёзги трансфер ойнаси пайтида 50 млн евродан камига сотмоқчи эмас.
Маълумот учун, Куадрадони сотиб олиш учун асосий даъвогар саналган Каталониянинг “Барселона” клуби айни дамда футболчини сотиб олиш имкониятига эга эмас, сабаби каталонияликлар ҳимоячиси Дани Алвешнинг ёзда жамоани тарк этиши сўроқ остида турибди.
Хуан Куадрадо эса, келгуси ҳафтада “Фиорентина” билан ўз келажаги борасида музокаралар столига ўтиришини маълум қилган.
