Каталониянинг "Барселона" клуби "ПСЖ" ҳимоячиси Маркиньосни сотиб олиш фикридан воз кечди ва энди "Арсенал" ҳимоячиси Томас Вермаленга кўз тикмоқда.
Каталония клуби, Томас Вермаленнинг трансфери учун 10 миллион евро тўлашга тайёр ва келгуси ҳафтада бу борада "Арсенал" вакиллари билан музокара ўтказишни режалаштирмоқда. Ўтган мавсумда "Арсенал" асосий таркибидаги ўрнини йўқотган бельгиялик 28 ёшли ярим ҳимоячи, ёзги трансферлар ойнаси пайтида Лондонни тарк этиш ниятида. Уни сотиб олишни истаётганлар қаторида биринчилардан бўлиб айнан "Барселона" тилга олинмоқда.
Эслатиб ўтамиз, Вермаленни ўз сафида кўриш учун шунингдек "Манчестер Юнайтед" ҳам курашга қўшилган.