Ўзбекистон U-16 ўсмирлар терма жамоаси 5 август куни Тошкентнинг «Пахтакор» клуби ёшларига қарши назорат ўйинида майдонга тушди ва 1:3 ҳисобида мағлуб бўлди.

Шу йилнинг 6-20 сентябрь кунлари Таиландда ўтказиладиган U-16 ўсмирлар ўртасидаги Осиё Чемпионати финал босқичига тайёргарлик кўраётган Ўзбекистон ўсмирлар терма жамоаси 4 август куни Тошкентда ўзининг навбатдаги ўқув-машғулот йиғинини бошлагани ҳақида хабар берган эдик.

Александр Мочинов бош мураббийлигидаги Ўзбекистон U-16 ўсмирлар терма жамоаси йиғин давомида бир нечта назорат учрашувларида майдонга тушиши режалашатирилган эди. Кеча, Тошкентдаги «ЖАР» стадионида Мочинов шогирдлари йиғин давомидаги илк назорат ўйинида Тошкентнинг «Пахтакор» клуби ёшларига қарши майдонга тушишди. Қизиқарли кечган учрашувда 3:1 ҳисобида «Пахтакор ёшлари ғалаба қозонишди.

Ўзбекистон U-16 ўсмирлар терма жамоаси йиғин давомидаги иккинчи назорат ўйинини 9 август куни «Бунёдкор» клуби ёшларига қарши ўтказади. Мазкур ўйин ҳам «ЖАР» стадионида ўтказилиши режалаштирилган.

Эслатиб ўтамиз, Ўзбекистон U-16 ўсмирлар терма жамоаси шу йилнинг 6-20 сентябрь кунлари Таиландда бўлиб ўтадиган U-16 ўсмирлар ўртасидаги Осиё Чемпионатида иштирок этади.

Назорат учрашуви.
5 август. «ЖАР» стадиони.
Ўзбекистон U-16 - «Пахтакор» (ёшлар) - 1:3