«Манчестер Юнайтед» клубининг ўтмишдаги машҳур дарвозабони Петер Шмейхель, жамоанинг янги сардори бўлишига Уейн Рунидан бошқа номзод йўқлигини таъкидлади.

«Янги мавсумда «МЮ»ни айнан Руни сардор сифатида майдонга бошлаб тушиши керак. Руни ўз ўйинига ва жамоасига бўлган муносабати орқали бунга лойиқ», - дейди Шмейхель.

«Қолаверса, Руни мураббий исталган жойида ўйната оладиган футболчилар сирасига киради ва у буни юзида табассум билан уддалайди. Ўйлашимча, унинг ўзи жамоа учун жуда муҳим ўйинчи эканлигини билади. Агар у майдон марказида ҳаракат қилиши лозим бўлса ва бундан клуб манфаатдор бўлса, у бунга албатта рози бўлади», - дейди «МЮ»нинг собиқ юлдуз дарвозабонларидан бири.