2012 йил ёзида Invisible Dog сайти «Келишилган ўйинлар» сарлавҳаси остида суриштирув маълумотларини чоп этди. Мақолада, Сингапурда жойлашган ва бутун дунёда келишилган ўйинларни ташкил қилишда иштирок этган трансмиллий синдикат ҳақида маълумотлар берилди.
Жиноий синдикат аъзолари бир неча йиллар давомида, ўзлари ташкил қилган “келишилган ўйинлар”га тотализаторда катта пулларни тикиб, мўмай даромад олишган. Улардан бири, ҳозирги кунда ҳибсда сақланаётган Уилсон Раж Перумал ўз хотираларини қоғозга тушириб, италиялик журналистлар Алессандро Риги ва Эммануэле Пиано ҳамкорлигида “Келишув қироллари” номи остида китоб чоп этишга муваффақ бўлди. Қизиғи шундаки, китобда 1994 йили Хиросимада бўлиб ўтган Осиё ўйинлари финали - Хитой - Ўзбекистон ўйини ҳам эслаб ўтилган. Қуйида Перумалнинг шу ўйин ҳақидаги фикрларини келтириб ўтамиз:
“Тотализатор ўйинларида обрў - асосий валюта. Осиёда шундай ишлашади. Европада обрў ҳеч нарса эмас. Ҳатто Рим Папасидан ҳам пулни олдиндан талаб қилишади. Осиёда тотализатор ишончга асосланган. Агар сенда 1000 долларлик ишонч бўлса, демак сенга 1000 долларни ишонишади. Агар 50 минг тикмоқчи бўлсанг, пулни агентга кўрсатишинг шарт. Тўловлар ҳам шундай. Ютиб олган пулингни эртагаёқ беришлари шарт, акс ҳолда обрўга путур етади. Обрў - ҳамма нарса...
1994 йилги Осиё ўйинларини финали, Хитой ва Ўзбекистон ўйинидан олдин таниш букмекерга телефон қилдим. Финалда Хитой фаворит саналаётган эди.
- Фора қандай?
- Хитойга тикаман ва ярим гол фора бераман.
- Мен ҳам Хитойга тикаман, савдолашамиз.
- Уилсон, шошма, кўрсатмаларимни кут. Яхши хабарлар чиқиб қолиши мумкин. Сенга хабар қиламан.
- Хўп.
Бир соатдан кейин телефон жиринглади. Букмекер шивирлади:
- Пул сеники, билганингни қил, лекин маслаҳатим Хитойга пул тикма.
- Хўп. Сен айтганча бўлақолсин, Ўзбекистонга 50 минг доллар тикаман.
Эрталаб бошқа букмекерга телефон қилдим. Ставкаларни оширмоқчи эдим.
- Кимга тикасан?
- Ўзбекистонга, фора бир гол - деб жавоб берди у.
Кеча Хитой фаворит эди, эрталабгача ҳамма нарса бирдан ўзгарди, бу эса келишилган ўйиннинг аниқ белгиси.
- Мен ҳам Ўзбекистонга 30 минг тикаман - дедим.
Кутилганидек Ўзбекистон 4:2 ҳисобида ғалаба қозонди”.
| 14/11 05:00 | Уругвай | - | Колумбия | ||
| 14/11 05:00 | Перу | - | Чили | ||
| 14/11 14:10 | Австралия | - | Саудия Арабистони | ||
| 14/11 17:00 | КХДР | - | Эрон | ||
| 14/11 19:00 | Баҳрайн | - | Хитой | ||
| 14/11 19:00 | Кувайт | - | Жанубий Корея | ||
| 14/11 21:00 | Уммон | - | Фаластин | ||
| 14/11 21:15 | Ироқ | - | Иордания | ||
| 14/11 21:15 | Қатар | - | Ўзбекистон | ||
| 14/11 21:15 | БАА | - | Қирғизистон | ||
| 15/11 02:00 | Венесуэла | - | Бразилия | ||
| 15/11 04:30 | Парагвай | - | Аргентина | ||
| 15/11 05:00 | Эквадор | - | Боливия | ||
| 15/11 17:00 | Индонезия | - | Япония |
Хитой Хиросима-1994 финалини сотганми?
| Баҳо: |
+ | -
|
Рукн: Янгиликлар
Манба: www.stadion.uz.
Перумалнинг бу гаплари қанчалик тўғри ёки нотўғрилигини айтиш қийин. Шунингдек, кимнидир ўйинни сотганлик ёки сотиб олганликда айблашдан ҳам йироқмиз. Перумалнинг гаплари рост бўлган тақдирда, Хитой финал ўйинини букмекерларга сотган деган хулосага бориш мумкин, яъни бу ишга ўзбекистонлик футболчиларни алоқаси бўлмаган. Перумал ҳозирги кунда Финляндияда, қамоқхонада сақланмоқда. Интерпол эса тергов суриштирув ишларини давом эттиряпти.
ОСИЁ ЎЙИНЛАРИ-1994, ФУТБОЛ
ЎЗБЕКИСТОН - Хитой - 4:2 (2:1)
16.10.1994. Япония.
Хиросима. Стадион Биг Арч. 28687 томошабин.
Ҳакам: ОКАДА Масайоши (Япония)
Голлар: Игорь Шквирин, 3 (1:0), Сергей Лебедев, 9 (2:0), Хуа Зижин, 16 (2:1), Азамат Абдураимов, пенальти, 47 (3:1), Ли Бинг, 50 (3:2), Шуҳрат Мақсудов, 82 (4:2)
Ўзбекистон: Юрий Шейкин, Февзи Давлетов, Андрей Фёдоров, Миржалол Қосимов, Улуғбек Рўзимов, Александр Тихонов (Шуҳрат Мақсудов, 67), Фарҳод Магометов, Абдусамад Дўрмонов, Сергей Лебедев (Абдуқаҳҳор Маъруфалиев, 70), Игорь Шквирин, Азамат Абдураимов
Хитой: Оу Чулянг, Кесинг Вей, Фенг Жианг, Фан Жийи, Хонг Сю, Бинг Ли, Гуанжу Жин, Вейгуо Пенг (Фенг Гао, 60), Зижин Хуа, Жонсюнг Гао, Сиендонг Гао (Ли Минг, 23)
Огоҳлантиришлар: Александр Тихонов, Шуҳрат Мақсудов, Ли Бинг
Киритилди: 22:28, 06.08.2014.
Ўқилди: 19404 марта.
Фикрлар: 341 та.
Ўқилди: 19404 марта.
Фикрлар: 341 та.
ЭНГ КЎП ЎҚИЛГАН ЯНГИЛИКЛАР
"Реал" молиявий муаммо сабабли Винисиус, Родриго ва бир қанча футболчиларни сотишга тайёр [8637]
ЖЧ-2026 саралаши. Қатар ва КХДРга қарши ўйинларни қаердан кўрамиз? [7126]
«Персеполис» Остон Ўруновга қимматбаҳо совға берди (фото) [6453]
Майк Тайсон — Жейк Пол бокс оқшомининг тўлиқ карди билан танишинг [4460]
Родри "Хайр, Винисиус" деб қичқирган видеосига изоҳ берди [4207]
"Реал Мадрид"нинг қишки режалари маълум бўлди [3150]
"Барселона"га 50 миллион евро керак [3105]
Жароҳат олган Ансу Фати янги клуб билан музокара олиб бормоқда [2982]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|