Эрон терма жамоаси дарвозабони Алиризо Хагиги Италия "А" серияси вакили "Сассуоло" клубига ўтиши мумкин. Италия жамоаси мавсум стартигача ўз сафига дарвозабон таклиф этиш истагида ва бу ўринга Хагиги номзодини кўриб чиқмоқда.

Италия ОАВнинг хабар беришича, "Сассуоло" Эрон терма жамоаси дарвозабонида ташқари "Милан" клуби дарвозабони Михаель Агаццига ҳам кўз тиккан. Аммо бу дарвозабоннинг "Сассуоло"га қўшилиши "Милан"га кўчиб ўтиши кутилаётган Диего Лопеснинг трансферига боғлиқ.

Эслатиб ўтамиз, Эрон терма жамоаси дарвозабони айни пайтда Қозоннинг "Рубин" клубида тўп сурмоқда.