23-миллий чемпионатнинг 15-турида мамлакат чемпиони “Бунёдкор” Муборакнинг “Машъал” жамоасини қабул қилади.

“Бунёдкор” ҳамда “Машъал” жамоалари шу кунгача Ўзбекистон чемпионати баҳслари доирасида ўзаро ўн уч маротаба тўқнаш келишган. Эътиборлиси, ўтказилган барча ўйинларда “Бунёдкор”нинг қўли баланд келган. Энг қизиғи, муборакликлар ҳали бирон марта ҳам “қалдирғочлар” дарвозасига тўп кирита олишмаган. Ўзаро ўйинларда "қалдирғочлар" муборакликлар дарвозасини 25 бор ишғол қилишган.

Ўзаро ўйинларда Ривалдо тўртта тўп киритган ва бу борада у етакчи бўлиб турибди. Виктор Карпенко ва Сервер Жепаров муборакликларни уч мартадан “хафа” қилишган. Анвар Ғофуров ўзаро ўйинларнинг 12тасида майдонга тушган. Фақат у дастлабки тўртта ўйинни муборакликлар, кейинги саккизта учрашувни эса “қалдирғочлар” таркибида ўтказган.

Қуйида “Бунёдкор” ва “Машъал” жамоаларининг “қалдирғочлар” мезбонлигида ўтган ўзаро ўйинлари қайдномалари ва киритилган голлар видеолавҳаси билан танишишингиз мумкин.

БУНЁДКОР - МАШЪАЛ 2:0 (2:0)
10.11.2007. 26-тур. Тошкент. МҲСК стадиони. 3000 томошабин
Бош ҳакам: Петров Александр - 8,2
Голлар: Мўминжонов 20 (1:0), Мўминжонов 32 (2:0)

БУНЁДКОР - МАШЪАЛ 2:0 (0:0)
26.06.2008. 12-тур. Тошкент. МҲСК стадиони. 4636 томошабин
Бош ҳакам: Расулов Абдухамид - 8,5
Голлар: Жепаров пенальти 47 (1:0), Карпенко 65 (2:0)

БУНЁДКОР - МАШЪАЛ 3:0 (1:0)
12.04.2009. 5-тур. Тошкент. "Жар"стадиони. 5431 томошабин
Бош ҳакам: Вадим Агишев – 7,6
Голлар: Ривалдо 32 пенальти (1:0), Саломов 54 (2:0), Жепаров 90+3 (3:0)

БУНЁДКОР – МАШЪАЛ 3:0 (1:0)
05.06.2010. 12-тур. Тошкент. “Жар” стадиони. 5 183 томошабин
Бош ҳакам: Владислав Цейтлин – 9,2
Голлар: Ривалдо 13 (1:0), Ристич 72 (2:0), Жепаров 75 (3:0)

БУНЁДКОР - МАШЪАЛ 2:0 (0:0)
05.11.2011. 26-тур. Тошкент. "Жар" стадиони. 2318 томошабин
Голлар: Ражабов 58 (1:0), Трифунович 60 (2:0)

БУНЁДКОР – МАШЪАЛ 1:0 (0:0)
15.03.2012. 1-тур. Тошкент. “Жар” стадиони. 753 томошабин
Гол: Филипосян 90