Мадриднинг "Реал" клуби раҳбарияти жамоа ярим ҳимоячиси Сами Хедиранинг сўнгги пайтларда ўзини тутишидан ҳавотирда.
Клуб раҳбарияти футболчи ва унинг агентидан 2015 йилнинг ёз ойида тугайдиган шартномани узайтириш масаласи чўзилаётганидан норози. Гап шундаки, "Реал"да Хедирани ёзги трансфер бозори пайтида бошқа клубга сотиш режаси бор эди, аммо ҳозирча футболчининг бошқа клубга трансфер қилиш масаласи ортга сурилмоқда.
El Confidencial нашрида айтилишича, футболчи аллақачон номи ошкор қилинмаётган жамоа билан шахсий шартнома борасида келишиб қўйган ва мавсум якунлангач ўша жамоа сафига бориб қўшилади. Нашрнинг хабар беришича, футбоочи буни "Реал" раҳбариятидан сир тутмоқда. Клуб эса, Хедирадан келаси йилнинг ёз ойида якунига етадиган шартномасини узайтиришни талаб қилмоқда. Боиси, Хедиранинг шартномаси узайтирилмаса, футболчи келгуси йилнинг ёзида жамоани эркин агент сифатида тарк этади.
