"Реал" бош мураббийи Карло Анчелотти УЕФА суперкубоги баҳсидан сўнг (2:0) фикрлари билан ўртоқлашди.
"Бундай ажойиб таркиб билан янги мавсумни бошлашимиз мумкин. Менга бундай фантастик жамоага мураббийлик қилиш насиб этганидан бахтиёрман. Албатта, қандайдир муҳим соврин ютиш учун нималарнидир қурбон қилишимиз ва кўп меҳнат қилишимиз керак, аммо барча мусобақада ғолиб чиқиш учун ҳамма имкониятимиз бор.
Ўтган мавсумга солиштирганда бизнинг усулимиз ўзгармаган - биз қарши ҳужумлардан фойдаланяпмиз. Ҳаммаси ўйинни боришига боғлиқю Кроос Хаби Алонсонинг ўрнида ўйнаб, ўша вазифани бажарди - шерикларини тўп билан таъминлади, имконият туғилиши билан ўйинчиларимизнинг тезлигидан фойдаланди.
Бу жамоани янада кучайтириш осон эмас, чунки бизда фантастик таркиб бор. Фикримча, ундан максимал даражада фойдаланиш муҳимроқ.
"Севилья" биз кутганимиздай ўйнади - ҳимояланди, қарши ҳужумлар қилди. Ўйлашимча, биз рақибни иончли тарзда ёпиб қўйдик ва қарши ҳужумларини бекорга чиқардик.
Криштиану қойилмақом ўйин кўрсатди. У бош қаҳрамон бўлди, майдодна энг яхшиси бўлди, икки голи билан бизга ғалаба келтирди. У жуда яхши ўйнади.
Бутун жамоа яхши кўринди, ҳолбуки тайёргарлик учун вақтимиз кўп бўлмаган эди. Биз тўп билан яхши муомала қилдик, Кроос ажойиб ўйин кўрсатди. Хамес бошида бироз қийналди, аммо иккинчи бўлимда Кроосдан ёмон ўйнамади", - дейди Анчелотти.