Навоийда кечган "Қизилқум"га қарши учрашувдан кейин "Пахтакор" менежери матбуот анжуманида саволларга жавоб қайтарди.
"Қизиқарли ўйин бўлди. Жамоалар намойиш этган футбол мухлисларга ёқди деб ўйлайман. Учрашув бошида тўп ўтказиб юбордик, лекин йигитлар характер кўрсата олишди. Ҳимояда ҳам, ҳужумда ҳам яхши ўйин намойиш этдик.
Захира ўриндиғида бир қатор иқтидорли ёшлар бор. Улар билан муаммоларга дуч келмаймиз деб ўйлайман. Жамоа ўйин сифатини яхшилаб бормоқда. Шу кунгача сафарда бир тўп фарқи билан ютиб келаётгандик. Бугун ўша анъанага чек қўйдик.
Маҳаллий мухлислар "Қизилқум"ни ажойиб тарзда қўллаб туришди. Бу жамоага кейинги баҳсларда омад тилаб қоламан", - дейди Самвел Бабаян.