Англиянинг "Ливерпуль" клуби бош мураббийи Брендан Рожерс ёзги трансфер бозори ёпилгунича жамоага яна бир ҳужумчи қўшиб олиш зарурлигини таъкидлади.
"Жамоада маблағ бор ва биз трансфер бозори ёпилгунича клубимизга юқори савияли ҳужумчи қўшиб олишга ҳаракат қиламиз", дейди "Ливерпуль" устози.
"Юқори савияли топ ҳужумчини ҳарид қилиш осон иш эмас, аммо бизга ҳудди шундай ҳужумчи керак ва биз шундай ҳужумчини излаб топишга ҳаракат қиламиз. Биз таркибни янада кучайтириб олишимиз зарур, сабаби биз ҳали жамоанинг ҳужум чизиғига футболчи ҳарид қилганимиз йўқ. Трансфер бозори ёпилишига бир ҳафта қолганда ҳам нима бўлишини билиш қийин. Клубнинг барча ҳодимлари айни дамда ишлашда давом этмоқдалар ва трансфер бозори пайтида ўз сафимизга ҳужумчи қўшиб олишга умид қиламиз", - дейди Рожерс.