Бугун "Оқ-тепа" Ўзбекистон Биринчилигининг иккинчи босқич биринчи учрашувини ўтказди.

“Зомин”га қарши кечган қийин учрашувда тошкентликлар ўз иродаларини намойиш қилишди. Биринчи бўлим меҳмонларнинг 0:2 ҳисобидаги ғалабаси билан якунланди. 48-дақиқада ҳисоб биттага қисқартирилган бўлса-да, орадан кўп ўтмай учинчи тўп ҳам ўтказиб юборилди. Аммо шундан сўнг ҳаммаси "Оқ-тепа" учун омадли келди.

Учрашувнинг сўнгги ўн дақиқасида меҳмонлар дарвозаси уч марта ишғол этилди. Дастлаб захирадан майдонга тушган Аҳмадалиев ўзини кўрсатди. Орадан икки дақиқа ўтиб энди Бобоқулов дарвозабоннинг қўпол хатосидан унумли фойдаланиб, ҳисобни тенглаштирди. Беллашув якунланишига икки дақиқа қолганида энди Соибов меҳмонларни жазолади. Шу тариқа мавсумнинг иккинчи босқичини "Оқ-тепа" ғалаба билан бошлади.

Ўзбекистон Биринчилиги
Иккинчи босқич. 1-тур
“ОҚ-ТЕПА” – “ЗОМИН” – 4:3 (0:2)
17 август. Тошкент. “Оқ-тепа” стадиони.
Ҳакамлар: Анатолий Рубаков (Тошкент), Сардор Ҳакимов (Самарқанд), Шерзод Қамаров (Самарқанд), Олимжон Абдувосилов (Тошкент).
Назоратчи: Элбек Мусаев (Самарқанд).
“Оқ-тепа”: Элдор Исабоев, Марат Қудратов, Темур Турдиев, Сергей Прохоров (Сардорбек Аҳмадалиев, 64), Маҳсуджон Ҳайитов, Умиджон Боқиев (Илдар Магдеев, 46), Сардор Соибов, Собир Усмонхўжаев, Зокир Мирзааҳмедов (Нодирбек Тешабоев, 46), Маъруф Аҳмаджонов (Феруз Бобоқулов, 57), Берумий Абдунабиев (Сергей Рекун, 46).
“Зомин”: Равшан Абдужабборов, Муҳаммадали Файзуллаев, Ҳусниддин Тошназаров, Бекзод Раҳимов, Жалолжон Марипов, Умиджон Абдуллаев, Абдураҳмон Абдулҳақов (Шукурулло Жониқулов, 75), Нурбек Нуриддинов, Достонбек Нуриллаев, Дониёр Исмоилов (Дилшод Умархонов, 81), Умид Эрназаров (Бахтиёр Орипов, 88).
Голлар: Достонбек Нуриллаев, 42 – 0:1. Умид Эрназаров, 45+2 – 0:2. Собир Усмонхўжаев, 48-пенальтидан – 1:2. Жалолжон Марипов, 74 – 1:3. Сардорбек Аҳмадалиев, 80 – 2:3. Феруз Бобоқулов, 84 – 3:3. Сардор Соибов, 88 – 4:3.
Огоҳлантиришлар: Умид Эрназаров, 3. Маҳсуд Ҳайитов, 39. Ҳусниддин Тошназаров, 56. Темур Турдиев, 64.