Англиянинг "Манчестер Юнайтед" клуби ҳамон ҳимоячи амплуасига футболчи қидирмоқда.
"Қизил иблислар" трансфер бозори ёпилгунича "Рома" ҳимоячиси Мехди Бенатиани қўлга киритишга уриниб кўрадилар. Аммо, айни пайтда "Рома" футболчини "МЮ" сўраган нархга қўйиб юборишни истамаяпти. "МЮ" эса, ўз навбатида "Рома" томонидан 30 млн сифтида баҳоланган футболчининг трансфер нархини туширишга ҳаракат қилмоқда.
Corriere Dello Sport нашрининг хабар беришича, "МЮ" Бенатиа борасида келишувга эриша олмаса, у ҳолда "Милан" ҳимоячиси Филипп Мексесни ўз сафига қўшиб олишга ҳаракат қилади. "Милан" клуби франциялик футболчини ёзги трансфер бозори пайтида сотиб юборишга қарши эмас, сабаби футболчининг шартномаси келаси йилнинг ёз ойида тугайди.