"Монако" ҳужумчиси Радамель Фалькао фаолиятини "Ливерпуль"да давом эттириши мумкин, дея хабар беради RMC.
Ливерпулликлар Фалькони "Барселона"га йўл олган ҳужумчи Луис Суарес ўрнида кўришмоқда. "Қизиллар" футболчи учун 12 миллион фунт тўлаб ижарага олмоқчи, келгуси йили эса 31 миллион фунт эвазига сотиб олмоқчилар.
Шунингдек, "Реал" ҳам Фалькаога қизиқаётганлиги ва унинг учун бирданига 60 миллион евро тўлашга тайёр эканлиги хабар қилинмоқда.
Фалькао ўтган мавсум "Монако"нинг 21 ўйинида 12 гол урган, аммо янаварь ойида жароҳат олиб, ЖЧ-2014 ни ҳам ўтказиб юборган эди.