Лондоннинг "Арсенал" клуби ҳужумчиси Лукас Подольски "Арсенал"ни тарк этишга яқин турибди.
Bild нашрининг маълум қилишича лондонликлар бош мураббийи Арсен Венгер германиялик футболчига асосий таркибдан ўрин беришни ваъда қилмаган ва футболчининг бошқа клубга кўчиб ўтишига қарши эмаслигини билдирган. "Арсенал" эса, ўз навбатида футболчини 12 млн еврога сотишга рози.
Германиялик футболчига Туркия, АҚШ, Испания ва Германия клублари томонидан қизиқиш бор. Хабарларга кўра, Подолськини қўлга киритиш учун айни дамда Туркиянинг "Галатасарой" клуби асосий номзод бўлиб турибди.