Жорий йилнинг 25 август – 7 сентябрь кунлари Америка Қўшма Штатларининг Нью-Йорк шаҳрида теннис бўйича “Улкан тож” туркумига кирувчи дунёдаги тўртта энг йирик мусобақалардан бири “US Open” халқаро турнирининг асосий тўр баҳслари ўтказилади.

Мазкур нуфузли мусобақанинг яккалик баҳсларида Ватанимиз шарафини ҳимоя қиладиган Денис Истомин қуръага кўра дастлабки босқичда франциялик Ришар Гаске билан куч синашадиган бўлди.

Эслатиб ўтамиз, 2013 йили ўтказилган мазкур йирик мусобақада Денис Истомин нимчорак финалга қадар етиб келган эди. Ўшанда ҳамюртимиз биринчи босқичда Николас Алмагро (Испания)ни 6-3, 6-1, 4-6, 6-3 ҳисобида, иккинчи босқичда Тобиас Камке (Германия)ни 6-4, 6-2, 6-2 ҳисобида, учинчи босқичда эса Андреас Сеппи (Италия)ни 6-3, 6-4, 2-6, 3-6, 6-1 ҳисобида мағлуб этиб, 1/8 финалда Энди Маррей (Б.Британия)га 7-6, 1-6, 4-6, 4-6 ҳисобида имкониятни бой берган.