Ўсмирлар ўртасида Хитойнинг Нанкин шаҳрида бўлиб ўтаётган олимпия ўйинларида боксчимиз Бектемир Мелиқўзиев финал йўлланмасини қўлга киритди.
Биринчи раунд якунига кўра ҳар учала ҳакам ЖЧда бронза медалини қўлга киритган Ильяс Одинаевнинг ғалабасини эътироф этишди (10:9, 10:9, 10:9). Ўсмирлар ўртасида амалдаги жаҳон чемпиони ҳисобланган ҳамюртимиз беларуслик рақибини иккинчи раундда техник нокаутга учратди.
Бектемир Мелиқўзиев финалда доминиканлик Хаун Соланога қарши рингга чиқади. Ҳамюртимиз ушбу боксчи билан Софиядаги ЖЧнинг ярим финалида тўқнаш келган ва уни мағлуб этганди.