"Атлетико" бош мураббийи Диего Симеоне Испания чемпионатининг 1-турида "Райо Вальекано" билан дурангдан сўнг (0:0) фикрларини билдирди.
"Биринчи бўлимни жуда яхши ўтказдик. Ўйин тезлигини ушлаб турдик, вазиятлар яратдик. Аммо гол ура олмадик. Иккинчи бўлимда эса "Райо" устунлик қилди.
Биринчи ўйиндан сўнг хулоса чиқаришга шошилмаслик керак. Шахсан мен "Атлетико"га яна бир ҳужумчи керак, деб ҳисоблайман. Таркибимизда ўзгаришлар бўлишини инкор қилмайман", - дея Симеоненинг сўзларини келтиради клуб расмий сайти.