"Челси" ҳужумчиси Диего Коста жамоа машғулотида тизза ости пайларини шикастлаб олди, дея хабар беради The Guardian.
Дастлаб жароҳат жиддий кўринган эди, аммо кейинроқ ҳужумчининг тикланиши учун кўп вақт кетмаслиги маълум бўлди.
Диего Костанинг жароҳати бўйича аниқ хулосалар яқин вақтлар ичида чуқур тиббий текширувдан сўнг маълум бўлади.
Эслатиб ўтамиз, Коста шу йилнинг ёзида 32 миллион евро эвазига "Атлетико"дан "Челси"га ўтган эди ва дастлабки икки ўйинда биттадан гол уришга эришган эди.