Миржалол Қосимов бош мураббийлигидаги Ўзбекистон миллий терма жамоаси декабрь ойида Фаластин терма жамоаси билан ўртоқлик учрашувини ўтказади.
Мазкур ўйин 13 декабрь куни БААнинг Дубай шаҳрида бўлиб ўтади. Маълумот ўрнида, декабрь ойида миллий терма жамоа БААда ўқув-машғулот йиғинини ўтказади ва ушбу йиғин Миржалол Қосимов шогирдлари учун Осиё кубоги-2015 мусобақаси учун сўнгги тайёргарлик вазифасини ўтаб беради.
Маълумот ўрнида, Фаластин терма жамоаси ОФК Чақирув кубоги орқали Осиё кубоги йўлланмасини қўлга киритган ва мусобақанинг «D» гуруҳида иштирок этади.
Шунингдек, Ўзбекистон миллий терма жамоаси БААда 28 декабрь куни Ироқ терма жамоасига қарши ўртоқлик учрашувини ўтказиши ҳақида аввалроқ хабар берган эдик.
Эслатиб ўтамиз, Ўзбекистон миллий терма жамоаси ОК-2015 «B» гуруҳида Хитой, Саудия Арабистони ва КХДР терма жамоаларига қарши тўп суради.
