"Бавария" бош мураббийи Хосеп Гвардиола Хаби Алонсонинг янги жамоасида ўйнаб кетишига ёши ҳалақит бермаслигини билдирди.
32 ёшли футболчи 2009 йил "Ливерпуль"дан 35,4 миллион евро эвазига "Реал" футболчисига айланган эди. Алонсо мадридликлар сафида 236 ўйин ўтказиб, 6 гол ва 32 голли узатма оширган.
"Алонсо катта тажрибага эга ажойиб инсон, - дея Гвардиоланинг сўзларини келтиради клуб расмий сайти.- Бизга унинг каби ўйинни ўқий оладиган ва тажрибали ўйинчилар керак. Мен унинг 32 ёшда эканлигидан хабарим бор, аммо унинг чизиғида тезлик ва чидам - унчалик муҳим эмас."
