"Милан"нинг собиқ ўйинчиси, ҳозирда "Атирау" ҳужумчиси Доминик Адийя Қозоғистон премьер-лигасида ўзининг биринчи голини киритди, дея хабар беради Vesti.kz.
Ганалик футболчи "Иртиш"га қарши учрашувнинг 43-дақиқасида гол муаллифи бўлди, танаффусдан сўнг Милош Трифуновичнинг пенальтидан киритган голи эвазига "Атирау" икки тўп фарқ билан олдинга чиқиб олди. Павлодарликлар битта жавоб тўпи киритдилар, аммо дурангга эриша олмадилар.
Бу Адийянинг Қозоғистондаги олтинчи ўйини эди, у "Атирау"га июнь ойида келиб қўшилди ва келгуси йилнинг охиригача шартнома имзолаган. Унинг охирги клуби Киевнинг "Арсенал"и бўлган ва 32 ўйинда 8 гол урган. Гана терма жамоаси сафида 18 ўйин ва 4 гол урган. Унинг трансфер суммаси 700 минг фунтлиги айтилмоқда.
