Ньон шаҳрида бўлиб ўтган УЕФА мураббийлар форумида футбол қоидаларининг замонавий қарашларга мос келиши ҳақида фикрлар муҳокама қилинди.
УЕФА чемпионлар лигаси плей-офф босқичида меҳмонда урилган голлар қоидасини ўзартириши мумкин.
Бу қоида 1965/66 мавсумда киритилган бўлиб, биринчи марта Кубок эгалари кубоги мусобақасида қўлланган.
Бундан ташқари УЕФА чемпионлар лигаси қуръасида жамоаларнинг тақсимланиш системасига ҳам ўзгартириш киритмоқчи. Ҳозир жамоаларнинг тақсимланишида охирги беш йилдаги рейтинг ҳисобга олинмоқда.
Биринчи саватчага мусобақанинг амалдаги ғолиби, шунингдек УЕФА коэффициентлари жадвалидаги биринчи етти мамлакатнинг чемпионлари жой олиши режалаштирилмоқда.
