"Милан" бош мураббийи Филиппо Индзаги раҳбариятнинг трансфер сиёсатидан мамнун эканлигини билдирди.
"Клуб трансфер бозорида ажойиб ишлар олиб борди. Бунинг учун раҳбарият ва президентимизга миннатдорчилик билдираман. Бизнинг вазифамиз мухлисларни стадионга қайтариш.
Янги ўйинчиларга келсак, улардан мамнунман. Торрес унча ёрқин бўлмаган мавсумни ўтказди, ҳозир иштиёқ билан ёнмоқда. Тестларда у жуда яхши натижаларни кўрсатди. Умид қиламанки, унинг қўшилиши - "Милан"ни кучайтиради", - дейди Индзаги.
