Ҳужумчи Марио Гомес мухлисларнинг ҳуштакбозлиги ва норозилигига хотиржам ёндошишини билдирди.
"Мен мухлисларнинг кулгуларига ўрганиб қолганман ва Аргентинага қарши ўйин буни яна бир бор кўрсатди.
Бу 2008 йилда бошланган эди, 2010 ЖАРдаги жаҳон чемпионатида давом этди. Евро-2012да мен 3 гол урдим, аммо барибир яримфиналда Италияга мағлубиятга учрашимизни бош айбдори мени деб топдилар.
Ишқибозлар терма жамоанинг ҳар бир ўйинида менга норозилик билдирадилар. Баъзи ўйинчиларга, масалан, Подольскига, доим илиқ муносабатда бўладилар. Мен эса ҳар доим айбдорман.
"Бавария"да ҳам шундай. Ишқибозлар мендан абадий норози. Италияда ҳаммаси бошқача", - дейди Гомес.
