"Манчестер Юнайтед" бош мураббийи Луи ван Гал Дэнни Уэлбекни нима учун "Арсенал"га сотиб юборилганини маълум қилди.
"Монако"дан Радамель Фалькаони ижарага олишдан аввал биз Уэлбек ва Хавьер Эрнандес билан суҳбатлашдик, - дея Ван Галнинг сўзларини келтиради Goal.com. - Мен ҳар бир ўйинчига ўзини кўрсатиш учун имконият бердим.
Уэлбек узоқ вақтдан буён "МЮ" тизимида эди. У "Сандерленд"дан сўнг бу ерда уч мавсум ўтказди, аммо Уэйн Руни ва Ван Перси натижаларига яқин ҳам кела олмаган. Уларнинг натижалари - биз учун андоза. Шунинг учун Уэлбекни қўйиб юбордик. Бизда нафақат Фалькао, балки ўзимизнинг ёшларга ҳам имконият берилади".
