“Бунёдкор” – “Бухоро” учрашувидан кейинги матбуот анжуманининг биринчи қисмида бухороликлар устози Сеид Юсупович иштирок этди.

- Ўйин бошида ёмон ҳаракат қилмадик. Лекин кетма-кет голлар бизни мағлубият кўчасига олиб кирди. Агарда ўйин бошида юзага келтирган вазиятларидан фойдалана олганимизда ўйин бошқача кўриниш олиши мумкин эди. “Бунёдкор”нинг маҳорати ўз сўзини айтди.

Мураббий кўрсатмасини бажармаган жамоа якунда мағлуб бўлади. Ҳимоячи ҳужумга қўшилганида ярим ҳимоячи уни ўрнини тўлдириб туриши керак эди. Лекин “Бухоро” футболчилари бир-бирларини қўллаб-қувватлашмади. Вазиятимиз оғир. Мусобақа жадвалида қуйи поғоналарни эгаллаб турибмиз. Нима бўлишини вақт кўрсатади. Лекин бизга жуда қийин бўлади. Очиғини айтсам, ҳали ҳам таркиб тузишда қийналяпман. Уни қўйсам, бу хато қиляпти. Ёки бунинг акси. Қанотларда тезкор футболчимиз йўқ, - дейди Сеид Сеидов.