Ўсмирлар ўртасидаги Осиё чемпионатининг чорак финал босқичи доирасида Серия терма жамоаси Ўзбекистонни мағлуб этиб (5:2), ЖЧ йўлланмасини қўлга киритди. Ўйиндан кейин матбуот анжуманида иштирок этган сурияликлар бош мураббийи Муҳаммад ал-Аттор.

"Ушбу мусобақанинг биринчи баҳсида йўл қўйган хатоларимиздан тўғри хулоса чиқариб, учрашувдан-учрашувга ўз ўйинимизни кучайтириб бордик. Сурия кучсиз жамоа эмаслигини исботлаш учун Жанубий Кореяга қарши яхши ўйнашимиз керак.

Машғулотлар жараёнида футболчиларга ғолиблик руҳиятини сингдириб бордим. Сўнгги бир ярим йил давомида уларни руҳлантириб, мағлуб бўлмасликни ўргатдим. Бу нарса натижаларимизда акс этмоқда. Биз ушбу мусобақага кўп тайёргарлик кўрмагандик. Фақат бир марта Кувайт билан ўртоқлик учрашувини ўтказдик. Шунга қарамай, кучли жамоа эканимизни исботладик.

Ўзбекистон каби кучли жамоани мағлуб этиб, Жаҳон чемпионатига чиққанимиздан хурсандман. Ўйин оғир бўлди. Майдоннинг аҳволи ёмон бўлгани учун биз ҳақиқий футбол ўйнай олмадик", - дейди Ал-Аттор.