Германия терма жамоаси бош мураббийи Йоахим Лёв ФИФАнинг Санкт-Петербургдаги техник конференциясида иштирок этди.

"Жаҳон чемпионатида алоҳида шахслар эмас, бир мақсад остида бирлашган инсонлар ғалаба қозонди. Футболчиларни тўғри танлаш кўп нарсани аниқлаб берди. Ҳар бир ўйинда характер кўрсатиш жуда муҳим эди. Бундан ташқари мураббий руҳшунос бўлиши керак, маъсулиятни ҳис қилиши, атрофдагиларни боғловчи бўлиши керак. Ахир, ҳар бир ўйинчи - ажойиб шахслардир.

Умумжамоа қоидалари, интизомни унутмаслик керак. Биз жаҳон чемпионатига яхши тайёргарлик кўрдик. Ҳеч нарсани ўтказиб юбормасликка тиришдик. Тиббий бригадамиз ҳам ажойиб иш олиб борди. Рақибларни ҳар бир ўйинда диққат билан ўрганик. Жсимоний ҳолат ҳам муҳим ўрин тутди, ахир кичик хато ҳам бундай савиядаги мусобақада кечирилмайди. Мухлисларимиз биздан фақат ғалаба кутишади, Бразилияда биринчи ўринни олганимиздан хурсандман", - дея Лёвнинг сўзларини келтиради РФИ расмий сайти.