"Атлетико" ҳужумчиси Марио Манжукичнинг синган бурни операция қилинади, дея хабар беради ФИФА расмий сайти.
Хорватиялик футболчи ЕЧЛ гуруҳ босқичининг 1-турида "Олимпиакос"га қарши ўйинда жароҳат олган эди. "Атлетико" меҳмонда "Олимпиакос"га 2:3 ҳисобида ютқазди, Манжукич эса ўйиннинг бошидаёқ рақибининг тирсагидан зарба қабул қилиб олди.
Бурни қонаганига қарамай, футболчи ўйинни давом эттирди ва гол уришга ҳам эришди.