“Навбаҳор” – “Бунёдкор” учрашувидан сўнг ўтказилган матбуот анжумани биринчи қисмида дастлаб “қалдирғочлар” бош мураббийи Сергей Лушан иштирок этди.
"Йигитларга эътирозим йўқ. Албатта ўйин натижасидан қониқмадим. Учрашув оғир бўлиши ҳамда рақиб ҳимоявий ўйин кўрсатишини олдиндан тахмин қилгандик. Табиийки, бундай беллашувларда гол уриш учун имконият жуда кам бўлади. Бироз омадимиз келмади. “Навбаҳор” гарчи хатоликларга йўл қўйган бўлса ҳам, шогирдларим яратилган имкониятлардан оқила фойдалана олишмади. Ўйлайманки, томошабинларга жамоалар кўрсатган футбол манзур бўлди", - дейди Сергей Лушан.