Мадриднинг "Реал" клуби ҳужумчиси Криштиану Роналду "МЮ"га қайтиши амалга ошадиган бўлса, инглизлар футболчи учун 180 млн евро тўлашлари лозим бўлади.
The Guardian нашрида таъкидланишича, "Реал" футболчини 180 млн евро эвазига қўйиб юборишга қарши эмас. Маълумотларга қараганда, Роналду Манчестерга қайтадиган бўлса, унинг ҳафталик маоши 500 000 еврони ташкил этади.
Эслатиб ўтамиз, аввалроқ Роналдунинг ўзи мазкур хабарларни миш-миш деб атаган ва ўз келажаги "Реал" билан боғлиқ эканини таъкидлаган эди.