Осиё Ўйинларидаги байдарка ва каноэда эшкак эшиш бўйича финал баҳслари давом этмоқда. Каноэчи жуфтлигимиз Ўзбекистон ҳисобига бронза медалини келтиришди.
Эркаклар ўртасида 1000 метр масофага ўтказилган жуфтлик баҳсларда ўзбекистонликлар — Серик Мирбеков/Герасим Кочнев финишга учинчи бўлиб етиб келишди. Ҳамюртларимиз стартни яхши олишди ва дастлабки 250 метр масофада 1-ўринда боришаётган эди. 500 ва 750 метр масофаларда спортчиларимиз 2-ўринни қайд этиб туришди. Бироқ финишда каноэчиларимиз учинчи ўринги тушиб қолишди ва бронза медали билан чекланишди.
Қозоғистонлик спортчилар олтин медални қўлга киритишган бўлса, хитойликлар 2-ўринни олишди.
Шу тариқа, Ўзбекистон 3та олтин, 4та кумуш ва 10та бронза медали билан умумижамоа ҳисобида ҳозирча 14-ўринда бормоқда. Баҳслар давом этади.
