Енгил атлетиканинг узунликка сакраш секторида спортчилар мусобақани якунлашди. Аёллар ўртасида кўпкурашда қатнашиб, бронза медалига сазовор бўлган Юлия Тарасова жисмонан чарчагани туфайли (800 метрга югурганидан кейин орадан 10 дақиқа ўтиб у мазкур машқни бошлаши керак эди) мазкур йўналишда қатнашмасликка қарор қилди.

Ушбу баҳсларда Даря Резникова юртимиз шарафини ҳимоя қилди. Ватандошимиз илк сакрашда 6,25 метр масофани забт этди. Афсуски, қолган 5та йўналишда Даря мазкур натижани янгилай олмади. Резникова ўзига тегишли шахсий рекордни (6,60 м) такрорлаганида олтин, ушбу мавсумдаги рекордини (6,37 м) қайтарганида бронза медалини қўлга киритарди. Аммо у медаль қўлга кирита олмади.

Олтин медални 6,55 м. натижа билан индонезиялик Мария Лонда олди. Кумуш медаль вьетнамлик Ти Ту Тао Буига насиб қилган бўлса (6,44 м.), бронза медалини хитойлик Ян Фей Чжианг қўлга киритди.