El Confidencial нашри тарқатган хабарга кўра, Лондоннинг "Арсенал" клуби Месут Ўзил борасида “Бавария” томонидан юборилган таклифга рад жавобини берди.
Мюнхен супер-клуби Германия терма жамоаси аъзосини ўз сафига қўшиб олиш ниятида. Жамоа устози Пеп Гвардиола ярим ҳимоя чизиғини янада кучайтириш ва жамоадаги рақобатни ошириш мақсадида Ўзилни сотиб олишни истаётган эди. Шу боисдан “Бавария” томони футболчининг трансфери борасида лондонликларга расмий таклиф билан чиқди. Аммо “тўпчилар” Месутни қўйиб юборишни исташмади.
Лекин немис жамоаси шаштидан қайтмоқчи эмас. Манбада қайд этилишича, “Бавария” Ўзилни сотиб олишга яна бир бор уриниб кўради.
