Ўзбекистон миллий терма жамоасининг Дубай шаҳридаги йиғинига хориж чемпионатларида тўп сурувчи бир қатор футболчилар келиб қўшилишди. Қатар терма жамоасига қарши кечган учрашув учун чақирилган футболчилар қаторига 6 нафар легионер - Сервер Жепаров («Сеонгнам». Жанубий Корея), Анзур Исмоилов («Чангчун Ятай». Хитой), Азизбек Ҳайдаров («Аш Шабоб». БАА), Одил Аҳмедов («Краснодар», Россия), ҳамда Санжар Турсунов («Ворскла», Украина).

Эслатиб ўтамиз, БААдаги йиғин давомида миллий терма жамоа Баҳрайн ва БАА миллий терма жамоаларига қарши ўртоқлик учрашувларида майдонга тушади.

БААдаги йиғинда иштирок этаётган футболчилар рўйхати:

Дарвозабонлар: Игнатий Нестеров ("Локомотив"), Элдор Суюнов ("Насаф"), Акбар Тўраев ("Бунёдкор").

Ҳимоячилар: Шавкат Муллажонов, Ислом Тўхтахўжаев, Бобур Йўлдошев, Салим Мустафоев (барчаси "Локомотив"), Акмал Шораҳмедов ("Бунёдкор"), Егор Кримец ("Пахтакор"), Шухрат Муҳаммадиев ("Насаф"), Анзур Исмоилов («Чанчун Ятай», Хитой).

Ярим Ҳимоячилар: Фозил Мусаев ("Локомотив"), Владимир Козак, Жамшид Искандаров (иккаласи "Пахтакор"), Фаррух Сайфиев ("Насаф"), Сардор Рашидов, Жавлон Иброҳимов (иккаласи "Бунёдкор"), Сервер Жепаров ("Сеонгнам", Ж.Корея), Азизбек Ҳайдаров ("Аш Шабоб", БАА), Одил Аҳмедов ("Краснодар", Россия), Санжар Турсунов ("Ворскла", Украина).

Ҳужумчилар: Воҳид Шодиев ("Бунёдкор"), Наврўз Олимов ("Қизилқум"), Игорь Сергеев ("Пахтакор").