Италия ОАВ "Наполи" клуби ҳўжайинлари жамаони қатарликликларга сотилиши мумкинлиги ҳақида хабар беришмоқда.
Бу борадаги якуний қарор, "Наполи" ва "Ювентус" ўртасидаги Италия Суперкубоги учун баҳсдан сўнг эълон қилиниши мумкин. Ушбу баҳс эса, келишувга кўра айнан Қатар пойтахти Дохада 22 декабрь куни ўтказилади.
"Наполи"нинг сотилиши борасидаги миш-мишлар Апеннин оролида анчадан бери бор. Маълумотларга қараганда, Ҳамад бин Халифа Ал Тани бу борада "Наполи" хўжайини Аурелио де Лаурентис билан аллақачон келишувга эришган.
Италиялик журналистлар 3 сентябрьдан бери ОАВда чиқиш қилмай қўйган Де Лаурентис клубни қатарлик инвесторларга сотишга рози деган фикрдалар.