Мадриднинг "Реал" клуби мавсум якунида клубдан кетиши кутилаётган Сами Хедиранинг ўрнига Бразилиядан футболчи топди.
Марка нашрининг хабар беришича мадридликлар "Крузейро" клубининг 21 ёшли ярим ҳимоячиси Лукас Сильвага жиддий равишда қизиқиш билдирмоқдалар. Бразилиялик таянч ярим ҳимоячиси сўнгги мавсумда ўз жамоасининг ҳақиқий етакчиларидан бирига айланди ва келажаги порлоқ футболчилардан бири дея эътироф этилмоқда.
Лукас Сильва Бразилия миллий терма жамоасида ҳали тўп суришга улгурмаган, Аммо U-20 ва U-21 ёшлар терма жамоларининг муҳим ўйинчиси саналади.