"Барселона" ҳимоячиси Дани Алвес клуб билан шартномасини узайтириш борасида музокара олиб бормоқда, дея хабар беради Daily Mail.
Аввалроқ, 31 ёшли бразилияликнинг клубни тарк этиши мумкинлиги ҳақида хабарлар тарқалган эди. Ҳимоячига асосий харидор "Манчестер Юнайтед" эканлиги ва футболчининг англияликлар билан оғзаки келишуви бор эканлиги айтилган эди.
Алвеснинг амалдаги шартномаси 2015 йилнинг ёзида ниҳоясига етади. Футболчи бу мавсумнинг саккиз учрашувида учта голли узатма оширган.