Жанубий Кореянинг Инчеон шаҳрида давом этаётган ПараОсиё ўйинларида делегациямиз ҳисоби яна бир олтин медалга бойиди.
    
Сузиш бўйича 200 метр масофага комплекс сузиш бўйича бўлиб ўтган мусобақада маррага биринчи бўлиб етиб келган (02:18.80 сония) ҳамюртимиз Кирилл Паньков “ПараОсиё-2014” ўйинларидаги ўзининг тўртинчи олтин медалини қўлга киритди.

Эслатиб ўтамиз, Кирилл Паньков бундан аввал 50 ва 100 метр масофага эркин, 100 метрга чалқанча усулда сузиш бўйича ПараОсиё ўйинларининг олтин медалларига сазовор бўлган эди.

Айни пайтга келиб Ўзбекистон спортчилари 13 та олтин, 2 та кумуш ва 1 та бронза медалини қўлга киритган ҳолда умумжамоа ҳисобида 4-ўринда боришяпти.